·
某私家醫院
伯伯：今日好啲未啊？仲有冇邊度痛啊
婆婆：哎呀到到都好痛啊，我係咪會就嚟死啦
伯伯：睇下醫生咋嘛冇嘢嘅，我喺度陪你唔使驚。
婆婆基本上都是醫院常客
雖然表面冷酷
但是對着伯伯的時候
彷彿就像孩子般倚賴着親人
癌症三期而病情反覆
難免會影響著情緒
所幸的是每次都有伴侶的陪伴
婆婆：如果我死左，你就搵個人照顧你啦。
伯伯：唔好亂講嘢，你好返出去陪我就得架啦。
婆婆：係咪真㗎唔好呃我喎。
伯伯：如果我講大話呃你咁我死先啦。
婆婆：哎呀到你亂講嘢。
大約一年後
就再沒有看見伯伯的身影
朋友從其他同事口中得知
原來伯伯同樣是這個醫院的常客
比婆婆更早為癌症所困擾
但是為免老伴擔心所以一直推遲治療
直至暈倒然後很快就過身了
婆婆：點解佢一直唔同我講，唉。
朋友：佢都係唔想你擔心啫，伯伯在天之靈都會保佑你身體健康。
婆婆：佢唔喺度我做人仲有咩意思，我都唔忍心佢寂寞。
朋友實在無言以對
心中亦都清楚明白
去到這個年紀失去老伴
對身體以及精神的打擊甚大
然後就會聯想到
生活上所謂煩惱其實不值一顧
因為除死無大事
我：我相信好多男人都會好似伯伯咁，講呢個善意嘅謊言。
朋友：如果係我我寧願聽真話。
我：真相並唔係個個都能夠接受。
朋友：但係兩公婆唔係應該咩都講出黎咩。
我：講出黎會解決到咩？正正係因為夫妻，一言一行先更加需要小心。
朋友：你地男人真係奇怪。
我：唔奇怪呀，隱瞞因為心愛啫。
死亡並不可怕
為病折磨 陰陽相隔
才是真正的苦
.
.
如你若有事我會很寂寞
我獨個行樂怎可快樂
我沒你的運氣能先走
畢竟能早登天國
.
.
**圖片來自網上
歡迎預約或查詢
